Endurmörkun og vefur

GG er verslun sem býður upp á allt sem þú þarft fyrir útivistina, hvort sem þú ert að ganga hvannadalshnjúk í þriðja skipti eða fara í útilegu með fjölskyldunni. Við endurhönnuðum vörumerki GG og hönnuðum nýja vefverslun með nýjum áherslulum.

Ferlið

Þegrar kemur að endurhönnum vörumerkis eða endurmörkun er mikilvægt að afla upplýsinga og taka ákvarðanir að vel ígrunduðu máli. Of hraðar breytingar geta sett vörumerkið í hættu og því er mikilvægt að hafa vaðið fyrir neðan sig. Undir þessum kringumstæðum öflum við upplýsinga úr nokkrum áttum og greinum þær.

Viðtal tekin og verslun skoðuð

Upplýsingar frá eigendum eru mikilvæg uppspretta upplýsinga sem og upplifun okkar á versluninni, starfsfólki og viðskiptavinu,

Greining á notendum og markhóp

Með þessar upplýsingar að vopni greinum við markhópa, notendur og útfærum notendapersónur.

Greining á samkeppnisaðilum

Út frá fyrri greiningum og upplýsingum skoðum við samkeppnisaðila til að gera okkur grein fyrir þeirra aðferðum og til að greina tækifæri.

Áherslur unnar og kynnt fyrir GG Sport

Þessar upplýsingar urðu að undirstöðum fyrir áherslur endurmörkunarinnar sem voru þá kynntar fyrir GG sport.

Lykilorð GG Sport

Heiðarleiki

Koma til dyranna eins og þau eru klædd. Ekki markmiðið að selja bara fyrir peninginn, heldur búa fólk vel undir það ævintýri sem framundan er

Traust

Fólk treystir starfsfólki, sem öll hafa góða reynslu af  bæði vörunum og útivist. Fólk treystir vörunum, sem hafa sýnt sig að hægt sé að treysta.

Þekking

Gríðarleg  þekking er af vörunum og útivist. Þessi þekking byggir grunninn að góðri þjónustu sem hægt er að treysta á.

Firmamerki með skýra vísun

Áherslur voru að staðsetja GG sport skýrt og greinilega sem vörumerki sem gerir viðskiptavinum sínum kleift að njóa náttúrunnar. Með það að leiðarljósi var firmamerkið hannað með vísun í náttúruna. Þessum vísunum var blandað við GG til að skapa einfalt, fumlaust og skiljanlegt firmamerki.

Vörumerki náttúrunnar

Ásýnd vörumerkisins er dregin úr náttúrunni og upplifun á útivist. Lágstemmdir jarðlitir sem vísa í frumefni,fatnað og aðstæður sem unnendur útvistar þekkja. Litum og letri er ætlað að skapa traust og hlýleika í garð vörumerkisins.

Vefhönnun sem virkar

GG sport leggur upp með að veita góða og persónulega ráðgjöf um gríðarlegt vörurúrval. Til að ná sömu áhrifum settum við okkur í spor notandans og hönnuðum vöruflokka og úrvals með þarfir hans að leiðarljósi. Upplifun notandans á að vera skýrt og einfalt ferli þar sem hann finnur því að GG þekki þarfir hans.

Aðgengilegt og auðvelt

GG sport er fyrir alla þá sem vilja upplifa náttúru Íslands. Markmiðið er að gera ekki aðeins náttúruna aðgengilega heldur búnaðinn sem þarf til að njóta hennar. Þeim áhrifum er náð með þægilegum og aðgengilegum litum, letri og hönnun sem býst við þörfum hins almenna notanda.

Ljósmyndastefna.

Í ljósmyndastefnunni leggjum við áherslu að í myndunum sé að finna venjulegt fólk að njóta sín og náttúrunnar. Við viljum ekki bara fagna stóru fjallgöngunum eða afrekum, við viljum fagna öllum sigrunum, stórum sem smáum.
Þráinn Kolbeinson tók myndirnar sumarið 2020 á ferð sinni um landið.

Létt og aðgengileg vefhönnun

Sama hvar þú ert eða hvert þú ert að fara þá hentar GG vefsíðan fyrir alla skjái og aðstæður. Það er kannski of seint að panta gönguskó þegar þú ert kominn á fjallið en það er samt möguleiki.

Vörumerki GG er aðgengilegt fyrir almennan viðskiptavin og sérfræðinga með miklar kröfur. Litir, letur, myndir og merkið sjálft vinnur saman til að koma á framfæri skilaboðum traustrar þjónustu, þekkingar og reynslu. Í framhaldi breyttum við ásýnd og aðkomu verslunarinnar til að taka síðustu skrefin í endurmörkun sem hefur slegið í gegn.

Gerum eitthvað frábært saman!

Hafa samband