Pei - Greiddu snertilaust með símanum eða skiptu greiðslum á staðnum

Viðskiptavinur

Pei

Ár

2019

Hlutverk

App design

User experience

Hönnun á nýju appi fyrir Pei hófst á því að taka hugarflugsfund til þess að greina þarfir appsins. Greina þurfti hvort þörf væri á nýjum eiginleikum og hvað þurfti að smíða nýtt. Í kjölfar hugarflugsfundarins var tekinn hönnunarsprettur til þess að þróa fyrsta fasa af verkefninu. Fyrsti fasi var að gefa appinu ferskt útlit sem myndi samræmast tíðarandanum auk þess að laga hnökra í upplifun á notkun þess.

Aðgengismál voru bætt auk þess að gefa ákveðnum eiginleikum líf með kvikun á myndmerkjum og svokölluð mynstur (e. patterns) voru greind svo notandi hefði betri yfirsýn hvar hann væri staddur í appinu.

Góð yfirsýn á upplýsingum til þess að hjálpa með ákvarðanatöku

Birta þurfti ýmsar upplýsingar til þess að notandi gæti tekið sem besta ákvörðun þegar kemur að greiðslu, skiptingu á reikningum eða greiðslu á heimsendingu. Leit í appinu var einnig endurbætt til þess að notendur gætu auðveldlega séð hvaða fyrirtæki styðja við greiðsluvalmöguleika Pei.

Tilraunir á eiginleikum

Ýmsar tilraunir voru gerðar til þess að betrumbæta ákveðna eiginleika innan appsins. Þessar tilraunir fólu meðal annars í sér endurgjöf titrings (e. haptic feedback) úr síma notanda til þess að hann fái tilfinningu fyrir snúningshjóli þegar hann stillir tíma fyrir bílastæði.