Einfölduð hefð

Nýja merkið er einfölduð útgáfa af því gamla, skjaldarmerki og texti til hliðar, sett upp í sama útliti og merki ráðuneytanna. Við gerðum stóra litapallettu sem skipt er upp í nokkrar litasamsetningar til að einfalda notkun. Grunn litasamsetning embættisins vekur traust og hinar fimm litasamsetningar eru notaðar sitt á hvað til að túlka mismunandi málefni.

‍

Fjölbreytt myndefni

Ljósmyndir og teikningar eru notaðar sitt á hvað eftir því sem á best við hverju sinni. Myndefnið sýnir allskonar fólk á breiðu aldursbili með fjölbreytt persónueinkenni. Teikningar eru einfaldar og skemmtilegar, með dökkum útlínum og litaflötum. Fólk er alltaf litað án húðlits og notum við frekar hár, föt og annað til að ljá því persónuleika. Annað myndefni eru hlutir, senur og ljósmyndir af íslensku umhverfi. 

‍

‍

Mynstur í notkun

Auk myndefnis notum við hringlaga og ferhyrnd mynstur til að gefa stórum litaflötum áferð og persónuleika. Nýtt útlit Embættis landlæknis er litríkt og fjölbreytt. Hægt er að hafa það formlegt fyrir alvarlegri málefni en einnig glaðlegt með litum og teikningum fyrir skemmtilegri hliðar heilbrigðis.

‍

‍